ہفتہ، 25 نومبر، 2006

ونڈوز کی دوبارہ تنصیب اور بلاگ کا حلیہ

ارسال کردہ از Muhammad Shakir Aziz بوقت 5:27 AM ,
کل ہم نے اپنی ونڈوز دوبارہ نصب کی۔ اس کے بعد جب بلاگ دیکھا تو اس کا حلیہ ہی بگڑا ہوا تھا۔ ہم نے تو سوچا کہ شاکر میاں گئے کام سے فری ہوسٹ پر بلاگ بنانے کا مزہ چکھو اب بے اختیار وہاب اعجاز خاں کے بنوں فورم کا خیال آیا۔
لیکن اللہ کا شکر ہے یہ سب پاک نستعلیق کی سپورٹ نہ ہونے کی وجہ سے تھا۔ ایک ہماری ہارڈڈسک مسئلہ کررہی ہے دوسرے ونڈوز کا ورژن بھی اس بار لگتا ہے پرانا ہے جس کی وجہ سے یہ مسئلہ ہوا۔
اب دوبارہ سے بلاگ کا تھیم ٹھیک کرکے فعال کیا ہے دعا کیجیے گا کہ ہمارا بلاگ اور ہماری ہارڈ اب ٹھیک چلتی رہے۔
اس کے پارٹیشن ٹیبل میں کبھی کبھی موڈ ہو تو مسئلہ آجاتا ہے جس کے بعد یہ بوٹ ہونے سے بھی انکار کردیتی ہے۔ ہماری بدقسمتی کے ہم نے ونڈوز پر لینکس پر نصب کردیا جس نے ایک پارٹیشن کا لیٹر ہی خراب کردیا۔ 4 بار چلنے کے بعد لینکس تو بوٹ ہونے سے بھی گیا اور ہم نے کل پارٹینش اڑا کر ونڈوز دوبارہ کردی۔ جس نے ہمیں اچھا بھلا وخت ڈالے رکھا۔
شکر ہے اب سب کچھ ٹھیک چل رہا ہے۔اسی میں ہمارا لینکس پر نیٹ‌چلانے کا خواب ، خواب ہی بن گیا ہے۔ اب دوبارہ ایک کوشش فرماتے ہیں لینکس نصب کرنے کی اگر اب ہارڈ ڈسک کے نازک مزاج کو تاؤ نہ آگیاتو۔

Back Top

9 تبصرے:

  1. السلام علیکم!
    کیا کہنے آپ کے شاکر بھائی ۔۔۔آپ کا نیا بلاگ سانچہ نہایت ہی خوبصورت ہے۔ اسوقت لینکس پر چیک کر رہا ہوں۔ ونڈوز پر چیک کرکے بعد میں بتاؤں گا۔

  2. ارے یہ کیا۔۔۔شاید وہ کوئی پرانی تھیم تھی جو کیشے میں محفوظ تھی۔ویسے وہ اتنی بُری تھیم نہیں تھی شاکر بھائی۔البتہ پاک نستعلیق کیلیے آپ کی موجودہ تھیم زبردست ہے۔

  3. وہ تھیم تو مجھے پاکستانی بھائی نے اردوانے کو کہا ہے۔
    اچھی ہے لیکن میرے بس سے باہر۔
    اس میں مسئلہ آجاتا ہے پیج اور دوسرے دو تین روابط نظر نہیں آتے جب سے اردو میں کیا ہے۔ بہرحال دیکھتا ہوں اگر کچھ ہوگیا ورنہ معذرت کرلوں گا وہ اس وقت بس دیکھنے کے لیے ہی لگائی تھی کہ کیسی لگتی ہے اور کہاں پر غلطیاں ہیں۔
    ویسے آپ کونسا لینکس استعمال کرتے ہیںِ ریڈ ہیٹ ہے تو کونسا ورژن۔ اور براؤزر کونسا ہے۔ نیز کونسا ڈیسکٹاپ ماحول استعمال کررہے ہیں گنوم یا کے ڈی ای۔
    اوبنٹو اور کے اوبنٹو پر تو نعمان کے کہنے کے مطابق پاک نستعلیق کی پیشکش بہت ہی بری ہے۔ نظر ہی نہیں آتا۔
    اور ہاں آپ کے بلاگ پر تبصرہ نہیں ہو پارہا۔ ہر بار وہ کہتا ہے کہ نام اور ای میل کے قطعے کو پر کریں حالانکہ وہ پر شدہ ہوتا ہے اس کو دیکھیے گا ضرور
    وسلام

    محمد شاکر عزیز at 28 نومبر، 2006 7:14 AM
  4. السلام علیکم!
    شاکر بھائی میرا لینکس ہے تو ریڈ ہیٹ کا لیکن ہے یہ فیڈورا کور 3ہے۔ اس پر میں نے پاک نستعلیق کو چیک نہیں کیا۔ویسے بھی بقول محسن بھائی ابھی تک لینکس کے سلسلے میں اس فونٹ پر کام نہیں ہوا۔ براؤزر فائر فاکس ہی ہے۔ اس لینکس پر اردو کیلیے جو فونٹ استعمال ہوتا ہےوہ اگرچہ نستعلیق تو نہیں ہے لیکن مجھے بے انتہا پسند ہے اور اگر ایسا ہی فونٹ ونڈوز کیلیے بھی ہو تو کیا کہنے۔ (سکرین شاٹ دیکھیے)
    : http://i17.tinypic.com/2yxfz2b.png

  5. تو آپ نے ابھی تک پاک نستعلیق سے ٹرائی نہیں کیا۔
    میں ایویں خوش ہورہا تھا۔ خیر دیکھتے ہیں کیا ہوتا ہے کچھ گفتگو تو شروع کی ہے ان لوگوں سے۔
    وسلام

    محمد شاکر عزیز at 30 نومبر، 2006 6:58 AM
  6. شاکر بھائی !

    میں اپنے ویبلاگ پر کس طرح یہی فونٹ ڈیفالٹ کرسکتا ہوں کیونکہ میرے ویبلاگ پر ایک جگہ ایک طرح‌ کا فونٹ نظر آتا ہے اور دوسری جگہ دوسری طرح کا ۔
    واسلام

    وقار علی روغانی at 30 نومبر، 2006 7:28 AM
  7. بھائی جی آپ کو اس کے لیے اپنی سٹائل شیٹ کے ساتھ چھیڑ چھاڑ کرنی ہوگی۔ اس کے لیے میرے بلاگ پر موجود اسباق پڑھ لیں۔

    محمد شاکر عزیز at 1 دسمبر، 2006 5:21 AM
  8. اچھا جی ! ایک اور مسئلہ آپ کے گوش گزار کرنا چاہتا ہوں‌ اور وہ یہ کہ ان پیج سے مائیکروسوفٹ ورڈ میں یا ویب پر تحریر کس طرح منتقل کی جاسکتی ہے ۔ میرے زیادہ مضامین ان پیج میں ہیں میں چاہتا ہوں کہ یہ کسی طرح ویب یا مائیکروسوفٹ ورڈ (اردو سپورٹ) پر منتقل کروں‌ ۔ اگر کوئی طریقہ موجود ہو تو برائے مہربانی مطلع کردیں ۔

  9. اس کے لیے آپ کو ان پیج سے یونیکوڈ مبدل استعمال کرنا ہوگا۔
    اس جگہ اس سلسلے میں کچھ گفتگو کے بعد ایک پروگرام بنایا گیا ہے اسے ٹرائی کریں۔
    ایک اور پروگرام بھی موجود ہے لیکن اس کا ربط نہیں مل رہا مجھے۔ اوپر والے پروگرام کو استعمال کس طرح کرنا ہے اس کے لیے آپ کو متعلقہ ربط کے دوتین صفحات پڑھنا ہونگے تاکہ اس کا استعمال سمجھ میں آجائے۔ کوئی مسئلہ ہو تو وہیں اردو محفل پر پوسٹ کردیں میں یا کوئی اور ساتھ لازمًا اسے حل کرنے کی کوشش کریں گے۔
    وسلام

    محمد شاکر عزیز at 3 دسمبر، 2006 5:21 PM

ایک تبصرہ شائع کریں

براہ کرم تبصرہ اردو میں لکھیں۔
ناشائستہ، ذاتیات کو نشانہ بنانیوالے اور اخلاق سے گرے ہوئے تبصرے حذف کر دئیے جائیں گے۔