اتوار، 2 نومبر، 2008

کون کہتا ہے اردو یتیم ہے

علوی امجد خدا کرے تمہاری دنیا اور آخرت ایسے سنورے کہ دیکھنے والے رشک کریں۔ بخدا میرے پاس الفاظ نہیں کہ میں اس بندے کی تعریف کرسکوں، میرے پاس شکریے کے الفاظ نہیں، جو کام اس بندے نے کردیا ہے وہ اردو کے لیے صدیوں پر محیط ایسی چھلانگ ہے جو اسے کہاں سے کہاں پہنچا دے گی۔ اب کوئی طعنہ نہیں دے سکے گا کہ اردو والے اردو کے لیے کچھ نہیں کررہے۔ جب تک ہم میں علوی امجد جیسے سپوت موجود ہیں اردو مر نہیں سکتی، بخدا اردو زندہ رہے گی اور اپنے مخالفین کے سینوں پر مونگ دلتی رہے گی۔ علوی امجد اور علوی نستعلیق زندہ باد۔


اگر آپ نے ابھی تک علوی نستعلیق اتار کر انسٹال نہیں کیا تو کتنی بڑی نعمت سے محروم ہیں آپ۔ ارے ابھی اتاریں، انسٹال کریں اور میرے بلاگ کا فائرفاکس میں مزہ لیں خالص اردو رسم الخط کے ساتھ، نستعلیق میں اسی نستعلیق میں جس کے آپ اخباروں، رسالوں اور تصویری اردو کی ویب سائٹس پر عادی ہیں۔ اب یہ سب کچھ ممکن ہے۔


انشاءاللہ یہ ابتدا ہے۔ ابھی ایسے کئی نستعلیق میدان میں اتریں گے اور دنیا اردو کا عروج انٹرنیٹ پر دیکھے گی۔


علوی امجد اور امجد نستعلیق کی بنیاد بننے والے خط رعنا فونٹ کے خالق فاروق سرور خان کا بہت شکریہ۔ اللہ ان کے دو جہانوں کو سنوار دے انھوں نے اردو کو سنوار دیا۔


یہ فونٹ لینکس پر ونڈوز سے بھی پیارا لگ رہا ہے۔ اوبنٹو پر فائرفاکس 3 میں مجھے ابھی تک کوئی مسئلہ نظر نہیں آیا جبکہ ونڈوز پر فائرفاکس میں ہی اردو محفل کے نیویگیشن بار کے روابط اوپر نیچے نظر آرہے تھے۔

15 تبصرے:

  1. واقعی اردو مر نہیں سکتی.. ان میداں کے مردوں نے یہ ثابت کردیا ہے.. شکریہ تو انتہائی چھوٹا معلوم ہوتا ہے.. آپ نے تو ما شاء اللہ اسے لگا بھی لیا ہے.. میں بھی آج ان شاء اللہ اسے اپنے بلاگ کی زینت بناتا ہوں..

    جواب دیںحذف کریں
  2. شاکر فورم پر بھی ہاتھ صاف کردو..

    جواب دیںحذف کریں
  3. واہ مزا آ‌گیا۔ شاکر بھائی ہیڈنگز بھی ٹحیک کر لیں اور فونٹ‌سائز تھوڑا بڑا کر لیں۔

    جواب دیںحذف کریں
  4. واقعی یہ ایک عظیم کارنامہ ہے اردو کی ترقی کیلیے۔ فرصت ملتے ہی یہ بھی بتا دیں کہ ہم جیسے سیدھے سادھے لوگ کیسے اسے اپنے بلاگ پر انسٹال کریں۔

    جواب دیںحذف کریں
  5. معاف کرنا ہم نے خود ہی مسئلہ حل کر لیا ہے۔ دراصل جب ہم نے یہ فونٹ اپنے کمپیوٹر پر انسٹال کیا تو اس کا نام Alvi Nastaleeq v1.0.0 تھا اور اپنے بلاگ کی اسٹائل شیٹ پر ہم اسے صرف Alvi Nastaleeq لکھتے رہے۔ اچھا ہوتا اگر فونٹ کے نام سے v1.0.0 ہٹا دیا جاتا۔

    جواب دیںحذف کریں
  6. دوبارہ معذرت ابھی بھی ہم بلاگ کی باڈی پر یہ فونٹ‌نہیں‌دیکھ پارہے۔ اس کا مطلب ہے جو ہم نے سوچا وہ نہیں تھا کوئی اور کام ہے جو نہیں‌کر پارہے۔

    جواب دیںحذف کریں
  7. ارے بھائی اچھا لکھا ہے لیکن مجھ سے پہلا بلاگ پر آپ نستعلیق نہیں شامل کر سکے یہ الگ بات ہے کہ میں مکمل طور پر کامیاب نہیں ہوسکا زرا نوازش کریں اور میری مدد کریں اس معاملہ میں
    http://www.urduweb.org/mehfil/showthread.php?t=16089

    جواب دیںحذف کریں
  8. ٹھیک ہے میاں مان لیا تم نے ہی پہلے بلاگ علوی نستعلیق پر کیا تھا۔ پر بھیّے سوچو کہ دیکھا کس نے تھا :D

    جواب دیںحذف کریں
  9. یہ واقعی سوچنے والی بات ہے کیا آپ کا ارادہ خود کو مفکرِ علوی نستعلیق کہلوانے کا ہے ؟ تو ابھی سے بتلا دیں

    جواب دیںحذف کریں
  10. ارے ہم کہاں‌ مفکر بھائی۔ یہ تو بس یونہی بات سے بات تھی۔

    جواب دیںحذف کریں
  11. اچھا کیا بتا دیا ورنہ مجھے بہت محنت کرنی پڑتی :D

    جواب دیںحذف کریں
  12. خبر تو بہت خوشی کی ہے لیکن میں‌اسے ڈائون لوڈ نہیں کر پارہا، کہیں علوی نستعلیق کی ڈائون لوڈنگ روک تو نہیں دی گئی ہے؟

    جواب دیںحذف کریں
  13. بھائی جی علوی امجد بھائی سے اس سلسلے میں‌ رابطہ کریں۔ متعلقہ ربط انھی کے بلاگ کا ہے جہاں‌ تبصرہ کرکے

    جواب دیںحذف کریں
  14. دوست میں صرف تمہاری دعا کے لیے شکریہ ادا کرنے کے لیے یہ تبصرہ لکھ رہا ہوں۔
    اللہ تمہاری دعا کو قبول کرے ۔ امین ثم امین

    جواب دیںحذف کریں
  15. اللہ تعالیٰ امجد حسین علوی کو دنیا و آخرت کی ہزاروں نیکیاں دے۔ امین

    جواب دیںحذف کریں

براہ کرم تبصرہ اردو میں لکھیں۔
ناشائستہ، ذاتیات کو نشانہ بنانیوالے اور اخلاق سے گرے ہوئے تبصرے حذف کر دئیے جائیں گے۔