جمعہ، 2 اپریل، 2010

ترقی؟

ارسال کردہ از Muhammad Shakir Aziz بوقت 7:19 AM ,

لو جی اوبنٹو کے بابا جی مارک شٹل ورتھ نے نئے نسخے میں ایک "انقلابی" قسم کی تبدیلی کی ہے۔ اب ونڈو کو بند کرنے والے بٹن دائیں کی بجائے بائیں ہوا کریں گے۔ ملاحظہ کیجیے۔
ملاحظہ کریں اور سر دھنیں۔ یہ اپریل فول نہیں ہے۔ 10.04 میں ایسا ہی ہوگا۔ لیکن شکر ہے یہ ایک دو طے شدہ تھیمز میں ہوگا۔ باقی تھیم "سیدھے" راستے پر ہی چلیں گے اور بٹن دائیں طرف ہی ہونگے۔ اس میں کیا مصلحت ہے ہماری ناقص عقل اس کو سمجھنے سے قاصر ہے۔ البتہ ایک اڑتی اڑتی یہ سنی تھی کہ ایک عدد مینیو جیسا کہ بائیں جانب آئکن پر کلک کرنے سے سامنے آتا ہے دائیں طرف شامل کردیا جائے گا۔ یعنی منہ کا ذائقہ بدلا جارہا ہے۔ یاد رہے ونڈو بند کھولنے والے یہ بٹن بائیں طرف ہونا میکنٹوش کا انداز ہے۔
پر سانوں کی۔۔۔ ہماری طرف سے انھیں نیچے لے آئیں۔ ہم نے تو اسے واپس اس کی جگہ پر پہنچا لینا ہے۔ یہی تو لینکس کا فائدہ ہے۔ لیجیے ابھی یہ سب کچھ ہونے کی اطلاعات ہی ہیں تو اس کا توڑ بھی موجود ہے۔ مووبٹنز یہ سہولت دیتا ہے کہ بڑا، چھوٹا اور بند کرنے والے بٹنوں کوجیسے مرضی اور جہاں مرضی ترتیب دیں۔

Back Top

5 تبصرے:

  1. گتا ہے اوبنٹو کے بابا جی نے میک بک خرید لیا ہے اور اسی کا اثر ہے. :)

  2. میک کے بٹن بائیں طرف هوتے هیں
    اس لیے شائد میک کی نقل هو، میک کے بٹن بائیں طرف اور گول هوتے هیں
    سبز پیلا اور سرخ
    سبز ری سائیز کے لیے
    پیلا مین مائیز کرنے کے لیے اور سرخ بند کے لیے

  3. ممکن ہے ترجباتی پر کیا ہو۔ بعد میں فیڈبیک کی بنیاد پر مستقل کردیا جائے۔

  4. میں نے واپس اسے اس کے اصلی مقام پر پہنچا دیا ہے.. بتانے کا شکریہ..

  5. مجھے تو یہ انقلابی تبدیلی بہت اچھی لگی لیکن یہ ذائقہ بدلنا اس وقت مہنگا پڑ جاتا ہے جب آپ دفتر میں ونڈوز استعمال کر رہے ہوں. اس وقت آپ غلط جگہ کلک کرنے لگتے ہیں. ویسے بہتر ہی ہوگا کہ اسے بائیں جانب ہی رکھیں کیونکہ اوبنٹو کی ٹارگٹ آڈیئنس ونڈوز یوزر ہے نا کہ میک یوزر.

ایک تبصرہ شائع کریں

براہ کرم تبصرہ اردو میں لکھیں۔
ناشائستہ، ذاتیات کو نشانہ بنانیوالے اور اخلاق سے گرے ہوئے تبصرے حذف کر دئیے جائیں گے۔