جمعہ، 18 جون، 2010

برساتی کیڑے

ارسال کردہ از Muhammad Shakir Aziz بوقت 9:13 AM ,
جِداں مینہ ورن توں بعد دھرتی وچون کیڑے مکوڑے نکل آندے نیں کجھ اینج دا حال اج کل فیس بُک تے لگن والے ڈرامے توں بعد انٹرنیٹ تے وے۔ 2006 وچ جد اے ڈرامہ پہلی واری لگیا سی تے لوکاں یورپی ملکاں دیاں چیزاں دا بائیکاٹ کیتا سی۔ کوکا کولا تے یپیسی وی ایسے چکر وچ آگیاں تے یار لوکاں کوکا کولا تے پیپسی تے مقابلے تے مسلم کولے بنا لئے۔ اپنے ایک پچھلے بلاگ وچ ایہو جئیے کولیاں دا حشر تہانوں دسیا سی۔ کجھ اے ہو ای حال ہُن انٹرنیٹ تے نیٹ ورکنگ سائٹاں دا اے۔ مسلماناں دے مذہبی جذبات نوں چھیڑ کے اے لوگ اپنا الو سیدھا کرنا چاہندے نیں۔ فیس بُک دی دشمنی وچ، تے اسلام دی دوستی وچ بہت ساریاں نیٹ ورکنگ سائٹاں بن گیاں نیں۔ کم اوہناں دی وی اوہو ای اے جیہڑا فیس بُک دا اے۔ یعنی مسُلیاں دا ٹیم لنگھاؤ بلکہ ضائع کراؤ۔ گانے، چیٹ، بلاگ تے پتا نئیں کی کی۔ تے نال اپنا ایڈز دا کم چلا کے پیسے کماؤ۔ آخر اللہ واسطے تے کسے نئیں بنایاں اے ویب سائٹاں۔
لیکن سائیں گل اینج اے کہ ہر کوئی اے کم نئیں کرسکدا۔ فیس بُک والے چھ سالاں تو لگے ہوئے نیں تے اج وی فیس بُک نوں ہوکے آجاندے نیں، اونہاں دی سروس ڈاؤن ہوجاندی اے یا کوئی ہور سیاپا پیا رہندا اے۔ تے اے برساتی کیڑیاں ورگیاں ویب سائٹاں جیہڑیاں ہن نکلیاں ہویا نیں تے نکلدیاں آندیاں نیں اینہاں دے حالات بہت ماڑے نیں۔ ایک ویب سائٹ دا حال تہانوں سنانے آں کہ اوتھے ںظامت کنی سوہنی اے۔
maureen.arnuld@yahoo.com
My name is miss prisca I was impressed when i saw your profile today and i will like to establish a long lasting relationship with you. i will like you to reply me through my e mail address (maureen.arnuld@yahoo.com) This is because i dont know the possibilities of remaining in forum for a long time. please If you are interested in knowing more about me, and for me to send you some of my pictures
please reply me back through my email and with your email so that i can contact you you age colour or distance does not matter in a real realationship but love matters a lot
Thanks waiting to hear from you .
cares prisca.
اے میسج سپیم اے جیہڑا مینوں فید فُل بلین تے وصول ہویا۔ چونکہ میں مسلمان آں ایس لئی ایس سائٹ تے رجسٹریشن کرا لئی کہ چلو خیر اے۔ پر ایتھے کرن لئی میرے کول کجھ نئیں سی۔ کرن لئی تے فیس بُک تے وی میرے کول کجھ نئیں ہندا پر اوتھے دو چار لوگ ہندے نیں تے ایویں دس پندرہ منٹ دی نظر مار کے اسیں مُڑ آئی دا اے۔ اج کئی دناں بعد فیدفُل بلین تے گیا تے ایک غیر فید فُل بی بی ولوں بڑا گرمان والا میسج میرا منتظر سی۔ مطلب تے ایس میسج دا اے ہے کہ میرا ای میل ایڈریس لیا جاوے، پر تساں اے ویکھوں کہ اینہاں ویب سائٹاں دا معیار کی اے۔ اج توں پنج سال پہلاں وی میرے کولوں مسلم کولا نئیں سی پیتا گیا تے اج وی میرے کولوں اے دیسی فیس بُکاں نئیں ہضم ہونیاں۔ میں تے فیس بُک تے ای چنگاں۔
اج توں آوازِ دوست اردو تے پنجابی دو زبانی بلاگ ہووے گا۔ سجن نوٹ کرلین۔ امید ہے تہانوں میری اردو ملی پنجابی سمجھ آجائے گی۔ میرے اُتے جنہاں اردو دا حق اے اوس توں بہتا میری ماں بولی دا حق اے۔ اردو لئی تے ساری دنیا کم کردی اے پنجابی ول کوئی سُکے منہ وی نئیں ویندا۔ تبدیلی ایک بندے توں چلدی اے تے میں فیر اپنے تھاں کم شروع کیتا۔ اگر تہانوں کوئی دکھ درد ہے پنجابی دا تے پنجابی لکھو، پنجابی بولو، تے اپنے بچیاں نوں پنجابی سکھاؤ۔ ورنہ پنجابی لگی جاندی جے۔

Back Top

6 تبصرے:

  1. ایتھے "اندر خانے تبصرے" یعنی اِن لائن کمنٹ لاؤ، پاپ اپ چنگا نئیں لگدا۔

    باقی پنجابی کدرے نئیں جا رئی، ہاں اے ہے کہ پنجابی لکھی نئیں جاندی، لیکن بولن دے معاملے وچ پنجابی دا سکور اردو توں بہوں زیاد اے۔ لوگ صرف فارمل سیٹنگ وچ اردو بولدے نیں، ورنہ اپنی مادری زبان۔

  2. یار میں جد وی تھیم اردو کراں اے ہو ای ہند اے۔ میرے کولوں کتے کوئی مسئلہ رہ جاندا اے تے فیر ان لائن کمنٹ نئیں نظر آندے ورنہ میرا وی دل نئیں کردا کہ پاپ اپ کمنٹ لاواں۔۔ہن میری حکمت ای ادھ پچدی اے تے کی کراں، ہر واری تھیم نال اینج ای ہندا اے۔
    پنجابی دا رونا میں ایویں نئیں رویا میرے پائین۔ میں لنگوئسٹ آں تے مینوں پتا اے لوکاں دے رویے ماں بولی بارے کنج بدلن ڈئے نیں۔ ساڈے بچےآں نوں پنجابی نئیں سکھائی جارہی خاص طور تے 2000 توں بعد۔ جیدا مطلب اے وے کہ بچے اردو بولن گے تے اوہناں دے بچے وی اردو بولن گے۔ مطلب پنجابی تیری میری پیڑھی تک ای رہ جائے گی۔ اگے تسیں آپ سوچ لو کہ کی بنے گا۔ تُسیں آپ دیکھیا ہوئے گا کہ تہانوں آپ نوں وی بچےآں نال پنجابی وچ گل کردیاں شرم جئی آندی اے ہن۔ جد کسے ول جائیے تے ماں پیو وی بچے نال اردو وچ گل کرے تے پروہناں وی بچےآں نال اردو وچ ای گل کرے گا۔ سائیں پنجابی تہانوں آندی اے تہاڈے بچےآں نئیں آنی اے ہو ای تے سیاپا اے۔ اردو پنجابی دی جگہ لیندی جاندی اے تے انگریزی اردو دی جگہ آئی جاندی اے۔

  3. یعنی توں چاہنا اے کہ تیرا بلاگ اگے پنچ بندے پڑھدے سن تے ہن صرف کلا توں ای پڑھے؟

  4. تہاڈے ورگے کئیں لوگ نیں جی۔ ہن تہاڈا وہ دل نہ کرے تے کی کرئیے۔ اے ہو ای کہنا اے کہ پنجابی آپے اپنی ماں بولی نوں کھا گئے۔

  5. نالے قدیر دی گل اتے غور کرو تے تبصرے اندر خانے کرو

  6. ہنڑے ایتھے آ کے کوئی آکھ دیوے گا، کڈے جاہل او تسی پنجابی بولدے او پینڈو۔
    میں تے ایتھے ایہو جئے بندیاں نوں وی جاندا واں جیہڑے پاکستان اپنڑی اماں نو فون رلا کے انگریزی وچ گلاں کردے نیں۔

ایک تبصرہ شائع کریں

براہ کرم تبصرہ اردو میں لکھیں۔
ناشائستہ، ذاتیات کو نشانہ بنانیوالے اور اخلاق سے گرے ہوئے تبصرے حذف کر دئیے جائیں گے۔