جمعہ، 22 جون، 2007

انتخاب

ارسال کردہ از Muhammad Shakir Aziz بوقت 4:55 AM ,

پھڑ نقطہ چھڈ حساباں نُوں


چھڈ دوزخ گر عذاباں نوں


کر بند کفر دیاں کتاباں نوں


کر صاف دلے دیاں خواباں نوں


گل ایسے گھر وچ ڈھکدی اے


اک نقطے وچ گل مکدی اے


ایویں متھا نئیں زمیں تے گھسائی دا


پالما محراب دکھائی دا


پڑھ کلمہ لوک ہسائی دا


دل اندر سمجھ نہ لائی دا


کدی سچی گل وی لُکدی اے


اک نقطے وچ گل مکدی اے


اک جنگل بحریں جاندے نیں


اک دانہ روز دا کھاندے نیں


بے سمجھ وجود تھکاندے نیں


گھر آون ہوکے ماندے نیں


چلیاں اندر جند سکدی اے


اک نقطے وچ گل مکدی اے


کئی حاجی بن بن آئے جی


گل نیلے جامے پائے جی


حج ویچ، ٹکے لے کھائے جی


پر ایہہ کھل کینہوں بھائے جی


کتھے سچی گل وی رُکدی اے


اک نقطے وچ گل مُکدی اے


بلھے شاہ

Back Top

0 تبصرے:

ایک تبصرہ شائع کریں

براہ کرم تبصرہ اردو میں لکھیں۔
ناشائستہ، ذاتیات کو نشانہ بنانیوالے اور اخلاق سے گرے ہوئے تبصرے حذف کر دئیے جائیں گے۔